醫也建議去流感診所驗一趟，才不過45元，一驗無妨，而且又配合亞仔放學時間，請假了幾天，可以先回學校取功課，之後去鄰近的馬會流感診所。

流感診所那位醫生好煩氣，自以為很了不起，做多少少事去幫病人，不停說「呢啲嘢係護士做，唔好要我做！」，「梗係唔係我做喇，我咁高貴，點會做呢啲嘢！」，非常討厭！

除了幾所大醫院，這種政府診所的醫生給我的印象很差。還記得生了亞仔後個多月，小腹的手術傷口有點爆裂，遂到母嬰健康院求診，那位女醫生看到我的傷口，竟露出了「依呀~~~」的表情。傷口只不過是裂開一點，有些少膿而矣，還未稱得上肉酸，我只是擔心發炎有膿會礙了癒合，搞不好傷口再裂開。作為醫生，竟然大驚小怪，換了其他病人定會被她嚇破膽！

她再查問我當時有沒有再懷孕，我說沒有，且剛巧是產後恢復了第一次月經，但她給我的反應是：「點知會唔會係小產架！」作為醫護人員，須不可排除這個可能性，但也用不著用這種口氣和態度吧！

Anyway，我和亞仔在等護士取分泌做化驗時，聽到其他工作人員在吹水：
「其他男嘅每人睇9個，係佢睇咗12個。」
「證明你哋啲男人幾冇用丫！」
「冇用？我話佢蠢就真，人哋睇9個，佢睇12個，哈！」

今時今日公務員的服務態度是也！

快速化驗要星期日才有結果，護士說是陽性才會電話通知。我認為九成九中硬！

未知是否心理作用，晚上覺得喉嚨有點癢，不會是亞仔的豬流感傳了給我吧！